Kalangaeaf kalet graỽn.
Jes. MS 111 (Llyfr Coch Hergest)
col. 1031

Kalangaeaf kalet graỽn. deil ar gychỽyn
ỻynnwynn ỻaỽn; y bore gynn noe vynet
gwae a ymdiret y estraỽn ~
Kalangayaf kein gyfrin; kyfret awel a
dryckin; gỽeith keluyd yỽ kelu rin,
Kalangayaf cul hydot. melyn blaen bedu gỽedỽ
hauot; gỽae ahaed meuyl yr bychot.
Kalangayaf crỽm blaen gỽrysc. gnaỽt o benn
dirieit teruysc; ỻe ny bo daỽn ny byd dysc.
Kalangaeaf garỽ hin. anhebic ygynteuyin;
namwyn duỽ nyt oes dewin,
Kalangaeaf kein gyfreu adar; byrr dyd ban
cogeu; trugar daffar duỽ goreu. ~
Kalangayaf kalet cras purdu bran buan o
vras; am gỽymp hen chwerdit gỽen gỽas ,,

[1031]

=========================================

Kalangaeaf cul kerwyt gwae wann pansyrr,
byrr vyd byt; gỽir gỽeỻ hegarỽch nophryt.
Kalangayaf ỻỽm godeith. aradyr yn rych
ych yggweith. or kant odit kedymdeith,

[1032]

SOURCE:
Poetry from the Red Book of Hergest. ed. by J. Gwenogvryn Evans. Llanbedrog, 1911.