Gereint filius Erbin
Jes. MS 111 (Llyfr Coch Hergest)
col. 1042-1043

Panet anet gereint oed agoret pyrth nef;
rodei grist aarchet; pryt mirein p’dein ogo=^net,
Molet paỽb y rud ereint. arglỽyd molaf inneu
ereint, Rac gereint glynn dihat. gỽeleis y
veirch kymrud ogat; agỽedy gaỽr garỽ bỽyỻat,
Rac gereint gelein gelyn kythrud. gỽeleis
y veirch dan gymryd agỽedy gaỽr garỽ ach-
lud. Yn ỻongborth gỽeleis drydar. ac eloraỽr yg-
gỽyar. agỽyr rud rac ruthur esgar,
Yn ỻongborth gỽeleis i withneit. ac eloraỽr
mỽy no meint; a gỽyr rud rac ruthur gereint,
Yn ỻongborth gweleis .i. waetfreu. ac eloraỽr
rac arueu; agỽyr rud rac ruthur agheu,
Yn ỻongborth .i. ottew. gỽyr ny gyỻynt
rac ofyn gỽaeỽ; ac yuet gỽin owydyr gloew,
Yn ỻongborth gỽeleis i vygedorth. agỽyr yn
gode amhorth; agoruot gỽedy gorborth,
Yn ỻongborth gỽeleis gymynat; po^rthit g
gnif bob kyniuiat,
Yn ỻongborth gỽeleis drablud. eruein brein
argolud; ac argrann kynran manrud,
Yn ỻongborth gỽeleis i vrithret. gỽyr yggryt
agỽaet am draet. avo gỽyr y ereint bryssyet.
Yn ỻongborth gỽeleis vrỽydrin. gỽyr yggryt
agỽaet hyt deulin: rac ruthur maỽr mab erbin,
Yn ỻongborth yỻas gereint. gỽr deỽr o godir
dyfneint; wyntwy yn ỻad gyt asledeint.
Yn ỻongborth ỻas yarthur. gỽyr deỽr kȳmy-
nynt odur; amheraỽdyr ỻywyaỽdyr ỻauur,
Oed re redeint dan uordỽyt gerereint, gar hir-
yon graỽn hyd; ruthur godeith ardiffeith vynyd,
Oed ^reredeint dan uordwyt gerdeint. garhiryon
graỽn odeỽ; rudyon ruthur eryron gleỽ ,

[1042]

=========================================

Oed re redeint dan uordwyt gereint. garhiryon
graỽn wehin; rudyon ruthur eryron gỽynn,
Oed reredeint dan uordwyt gereint. garhiryon
graỽn wenith; rudyon ruthur eryron brith,
Oed re redeint dan uordwyt gereint. garhiry-
on graỽn adas: rudyon ruthur eryron glas,
Oed re redeint dan uordwyt gereint. garhiry-
on graỽn uoloch; rudyon ruthur eryron coch,
Oed re redeint dan uordwyt gereint. garhir-
yon graỽn eubỽyt; rudyon ruthur eryron ỻỽyt.
Oed re redeint dan uordwyt gereint. garhiry-
on graỽn uagu; rudyon ruthur eryron du,
Oed re redeint dan uordwyt gereint. garhir-
yon graỽn an chwant; blaỽr blaen eu raỽn yn
aryant ~ ~

[1043]

SOURCE:
Poetry from the Red Book of Hergest. ed. by J. Gwenogvryn Evans. Llanbedrog, 1911.