Ỻynghes von dirion
Jes. MS 111 (Llyfr Coch Hergest)
col. 1051

Ỻynghes von dirion direidi ỻesteir creu trỽst
rỽyueu trosti. ỻanỽ niỽ am gonỽy amgyni.
ỻithraỽt gỽyr eryr eryri. diwres amser teskynn
tewi. di ryujc kymry rac kammỽri. dreic daro-
gan uab henri. blỽydyn y eruyn kynn torri,
bleid kedyrn kadarn ywesti. Gỽesti byt koel
ennyt keli. gỽastat gỽlat gỽledic normandi.
gỽst prydein pryder oe eni. gỽastatuot ual
rot yn troi. Penn beird pob eluyd oth hen
ovynnon. mi ath ogyuarchaf ar arỽydon,
py vynych gymhỽyỻy vabon. Mabon karedic
ygyweithyas. goruchel awen arweilgi las=
Mabon oed b^rythyon pan delon yỽ hurdas,
ac owein auyd ryd rỽyf teyrnas. Gỽr coch
yscochwed gorawen. gỽyned gỽreid hyn hil
meruyn mur teyrned. Carannaỽc uabon
ymbronn gỽaret. kyuarwyd yỽ duỽ ymdam-
unet. aỻmyn ar gychwyn gochwed dyghet,
breoled dachwed gyrded gerthet, rygas pob
rywir bydaỽt dir dyot. gỽr merweryd am
dreuyd yn ymdrauot. Rudyon galaned lain
dyhed heided adiheu eu bot. pob kof pob kyfnot
pob gỽr pob goruot. crist amrodes ymỻes ym
ỻỽyr wybot ỻoegyrwys anghymmỽys yn ag-
hymmot. ỻesseerthin werin amdrin drauot ~

[1051]

SOURCE:
Poetry from the Red Book of Hergest. ed. by J. Gwenogvryn Evans. Llanbedrog, 1911.