Sanas Cormaic
Book of Leinster fragment
p.780-781

Fuirim gein toracta tairet aicned n-oll o Adam co n-imthet tre cach n-amsir n-adamrai co betha bráth. berid aicned enbetu di cech duil derb disin óen conie. cosin oenduine ndeden bías co brunni brátha.

Aliter Turigein .i. toeraegeini.i. gein nerae.i. gein ngainethar .i. a da choiss reime. 7 a chend fó deóid. Dobeir dí a thurigeinsin do chosmailius breithe.i. canaid in brithem fásach fíraicnid 7 roscad filed da chossin inna breithe insin a cend fa deóid.i. in testimoin canone. Inde dicitur. Ni ní nech breth berair rád iar legund léir leraichther nad fri canóin cáid cumtastar. nad fri apstal n-uasal n-ascaider. nad fri Spirut Náem nertar conid cád cach rét co canone comfí.

Teist .i. a nomine testis.

Taurad .i. taur. cech tírim. 7 suth 7 sín. Taursuth.i. sín tírim.

Torc .i. nomen do chridiu. ut Etan ingen Dian Cécht dixit. Ní fó indam dom mo thuircc.i. mo chridi im chliab co fil for crith.

Trefoclae .i. tri foccuil bite indi .i. da foccul di molud do brith for culu iiid imderggtha. dofarci an tress foccul.i. foccul ind imdergtha 7 aire.

Taurthait .i. taurrachdath.i. arosc reire.i. foceirrdi aurchur n-úait do ermaisin nach rét. Tocuirethar opund a n-anmannae ara chend 7 gonti. nó dentai no marbthai i rrec dii tairriuchtsin iarum asrubrad taurthat.

Tigrathas .i. tiugaurradass.i. tigba cach ndedenach. is he dí is tigradas as tiugaurrad intí scaras frisin mmún fo deóid.

Tugen quasi togen .i. a toga. Aliter. Tugen.i. tuge én. ar is de chrocnib én find 7 ildathach dognither in tugen filed coa criss de braigtib cailech lochend. 7 da currcib coa cend suas. coa bragit. 7 rvel

Tap .i. pound .i. bidg inde est ni beir tap tigradas is aitte dichíallathar tassec opunn.

Tamlachta .i. támslecta.i. tám ro selaig duíni sin maginsin.i. in duineba mór. Totegtís na tuatha i mmuige móra. co mbítis i n-oenmagin béus ria n-ec.i. fo bíth a n-adnacuil isna muigibsin. oinafib nad beired in duineba. Ar mad cách ar núair bed marb ina magin fessin. ni bértais dia cellaib. ar ni chumgitís in t-uaithed no bíd i mbethaid a tarrud. inde Tamlachta nuncupatur.

Tendál .i. tene dál.i. dál co tend .i. cosin tenid i nn-ataither in tendál.

Ussarb .i. bás. inde dicitur isind Amrath Chon Ruí ríg ro det ro ussarb nUltaib.i.* ro det do Ultaib a bás.

Udmad .i. ud 7 damnad.i. crann ar lías.i. gobenn gaibthir forsin cethrae co ndamnaiter a n-úde i cumung.

Udim .i. nomen dond roi tarsa tét a crand bís darsin cléith ocon udmad.

Úr. tréide fordingair. úr chetmus.i. talam 7 úr cech nuae. amal asmberar immb úr. Úr dano cech n-olc. inde dicitur isna Brethaib Nemed lán do síathach cach n-úr.i. cech n-olc

Uch. ab eo quod est ucha.i. clungat.

Ubull quasi abull Aball im o burgg Etale dianid ainm Abellum .i. is ass tucad síl na n-aball prius.

Uimm .i. uma.

Uinci etha.i. uaitni etha.

Ucht osnae.i. hucht osmenta.i. smuainiud smuaines.i. scrútan scrútas in fili a n-airchetul. in baile dí i scrutan is do is ainm ucht osnae. Finit

NOTES

This note follows:

Insatharn rianotlaicc
indiu 7 arcomairci de
7 amathar dam 7 acluain
fata atu conchubar qui scripsit.*

* Today is the Saturday before Christmas , and in (lit. on) the protection of God and his Mother (am) I, and in Cluain fata (now Clonfad, in the County of Westmeath) am I, Conchubar, qui scripsit.

The Book of Leinster (fo. 158, a. 2) also contains Mac da Cherda's quatrain, and the note thereon, printed supra, p. 3:

Mac dacherdda cecinit for Cnucc Raphann.

Indrath hi forsdanfil [leg. forsadamfil]
imbid tipran fo ain gu (.i. fostaib argit)
babind gair chaille louche
iniraith Fiachach maic Monche.

Ana .i. staba beca bitis fortipraitib fri ól dodainib scithaib estib. rafactais nalestairse forsnatipraitib 7 ba harget anas mencu bitis. 7 ba origaib dobertis dophromad acana.

SOURCE
Stokes, Whitley. Three Old Irish Glosses.